Naxçıvanda “Dövlət satınalmaları və tətbiqi” mövzusunda təlim keçirilib

Naxçıvan Təlim Mərkəzi və Naxçıvan Muxtar Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin birgə təşkilatçılığı ilə “Dövlət satınalmalarının tətbiqi” mövzusunda növbəti təlimlərə start verilib. 25 fevral tarixdən başlanılan təlim üç gün davam edib. Təlimdə dövlət satınalmaları sahəsində fəaliyyət göstərən şəxslərin bilik və bacarıqlarının artırılması məqsədilə “Dövlət satınalmaları haqqında” Qanun şərh edilərək müvafiq izahlar verilib və normativ aktların tələbləri diqqətə çatdırılıbdır. Eyni zamanda təlimçilər real nümunələr əsasında praktiki izahlar təqdim edib, iştirakçıların suallarını cavablandırıblar. Sonda iştirakçılara sertifikatlar təqdim edilib.
Xatırladaq ki, təlimlər növbəti aylarda da davam etdiriləcəkdir.