Naxçıvanda avtomobil yolları qardan təmizlənir

Naxçıvanda respublika və yerli əhəmiyyətli avtomobil yollarında qardan təmizləmə işləri aparılır.

Naxçıvan Avtomobil Yolları Dövlət Agentliyinin mətbuat xidmətindən "Şərq qapısı"na bildirilib ki, muxtar respublikanın avtomobil yollarında qardan təmizləmə işləri gücləndirilmiş iş rejimində davam etdirilir. Yolların daim açıq saxlanması və nəqliyyat vasitələrinin təhlükəsiz hərəkətinin təmin edilməsi üçün texnikalar və canlı qüvvə səfərbər olunub.

Hazırda yollarda qar təmizləmə və qum-duz səpilməsi işləri intensiv şəkildə aparılır.