NAXÇIVAN :

16 Iyul 2026, Cümə axşamı

Naxçıvan Poçt və Telekommunikasiya Mərkəzinə direktor təyin edilib

...

Bununla bağlı Naxçıvan Muxtar Respublikası rəqəmsal inkişaf və nəqliyyat nazirinin müavini, nazir vəzifəsini müvəqqəti icra edən Azər Məmmədrəhimov 15 iyul 2026-cı il tarixdə əmr imzalayıb. 
Naxçıvan Muxtar Respublikası Rəqəmsal İnkişaf və Nəqliyyat Nazirliyindən “Şərq qapısı”na bildirilib ki, əmrə əsasən Hüseyn Cəfər oğlu Əsgərli "Naxçıvan Poçt və Telekommunikasiya Mərkəzi" MMC-nin direktoru vəzifəsinə təyin olunub.
Təyinatdan əvvəl həmin müəssisədə direktor müavini vəzifəsində çalışan H. Əsgərli burada rəqəmsal transformasiya prosesinə, poçt və telekommunikasiya xidmətlərinin rəqəmsallaşdırılmasına, eləcə də süni intellekt və kibertəhlükəsizlik həllərinin tətbiqi istiqamətində innovativ layihələrin hazırlanmasına və icrasına rəhbərlik edib.
H. Əsgərli əmək fəaliyyətinə Naxçıvan Muxtar Respublikası Rabitə və Yeni Texnologiyalar Nazirliyində başlayıb və burada bir sıra rəhbər vəzifələrdə çalışıb. Sonrakı illərdə o, Azərbaycan Respublikası Qida Təhlükəsizliyi Agentliyində sektor müdiri, Naxçıvan Dövlət Universitetində isə İnformasiya Texnologiyaları şöbəsinin müdiri vəzifələrində çalışıb.

Nəşr edilib : 15.07.2026 20:18