NAXÇIVAN :

27 Dekabr 2024, Cümə

Naxçıvan Muxtar Respublikasında sükut anı

...

AZAL-a məxsus təyyarənin Aktau yaxınlığında qəzaya düşməsi nəticəsində çoxsaylı insan itkisi səbəbindən bu gün Azərbaycanda matəm günüdür.

"Şərq qapısı" xəbər verir ki, Naxçıvan Muxtar Respublikasında təyyarə qəzasında həlak olanların xatirəsi bir dəqiqəlik sükutla anılıb.
Ölkə ərazisində olduğu kimi, muxtar respublikada da saat 12:00-da bədbəxt hadisədə həyatlarını itirən vətəndaşlarımızın əziz xatirəsi bir dəqiqəlik sükutla yad edilib, nəqliyyat vasitələrinin və piyadaların hərəkəti dayandırılıb, avtomobillərdən və qatarlardan səs siqnalları verilib. Hüzn əlaməti olaraq dövlət bayraqları endirilib.

Nəşr edilib : 26.12.2024 12:08