NAXÇIVAN :

22 Noyabr 2024, Cümə

Naxçıvan Muxtar Respublikası  Təhsil Nazirliyinə tabe təhsil müəssisələrində əmək müqavilələrinin  elektron qaydada bağlanılmasına başlanılıb

...

İşçi ilə işəgötürən arasındakı münasibətləri onlayn qaydada daha şəffaf  formada tənzimləmək üçün Prezident cənab İlham Əliyevin 12 avqust 2024-cü il tarixli Fərmanı ilə Əmək Məcəlləsində dəyişiklik edilib. Həmin dəyişikliyə əsasən ölkədə, həmçinin Naxçıvan Muxtar Respublikasında   təhsil müəssisələrində çalışan bütün pedaqoji və texniki  işçilərin əmək müqavilələri  elektron qaydada “Əmək və Məşğulluq” altsistemində həyata keçirilməsinə başlanılıb. Bunun üçün  işəgötürən və işçi tərəfindən  imzalanılan  əmək müqaviləsi qanunvericiliyin tələblərinə uyğun olaraq elektron imza ilə təsdiq olunmalıdır. Bu prosesi həyata keçirmək üçün isə  ümumtəhsil müəssisələrində çalışan bütün pedaqoji və texniki  işçilərin gücləndirilmiş elektron imzası  olmalıdır. 
Gücləndirilmiş elektron imza dedikdə, Asan imza və ya SİMA tətbiqi nəzərdə tutulur. Həm Asan imza, həm də SİMA proqram təminatı vasitəsilə “Əmək və Məşğulluq” altsisteminə daxil olmaq mümkündür. Qeyd edək ki,  Asan imzadan fərqli olaraq  SİMA tətbiqinin yüklənilməsi tam ödənişsizdir. SİMA proqram təminatını istifadə etmək üçün  hər bir işçi, o cümlədən müəllimlərimiz müvafiq platformalara daxil olmaqla asanlıqla qeydiyyatdan keçə bilərlər. Pedaqoji və texniki  işçilərə Təhsil Şöbələrinin əməkdaşları tərəfindən SİMA proqram təminatı ilə bağlı müvafiq köməkliklər də edilir.   
Əmək müqavilələrinin elektron qaydada bağlanması şəffaflığın artırılması və  işçi ilə işəgötürən arasında əmək münasibətlərinin tənzimləməsində mühüm rola malikdir.
Nəşr edilib : 19.09.2024 19:44