“Qədim ənənələr gələcəyə mirasdır” mövzusunda maar...
23:51 04.04.2025
0
0
0
Naxçıvan Muxtar Respublikası Səhiyyə Nazirliyi tərəfindən “Konstitusiya və Suverenlik İli” çərçivəsində həyata keçiriləcək tədbirlər planına uyğun olaraq uşaq bağçalarında D vitamini paylanmasına start verilib
Naxçıvan Muxtar Respublikası Səhiyyə Nazirliyi tərəfindən “Konstitusiya və Suverenlik İli” çərçivəsində muxtar respublika ərazisində fəaliyyət göstərən uşaq bağçalarında təlim-tərbiyə alan uşaqlara 5000 ədəd D vitamininin paylanması üçün xeyriyyə aksiyasına başlanılıb. Bu təşəbbüs, ilk dəfə olaraq muxtar respublika ərazisində Naxçıvan MR Səhiyyə Nazirliyi tərəfindən həyata keçirilir. Layihənin əsas məqsədi uşaqların sağlam inkişafına dəstək vermək, onların immun sistemini gücləndirmək və vitamin çatışmazlığının qarşısını almaqdır.
Tədbirin açılışı Naxçıvan Muxtar Respublikası Təhsil Nazirliyinin dəstəyi ilə Naxçıvan şəhər 8 saylı uşaq bağçası-körpələr evində baş tutub. Tədbirdə Naxçıvan MR Səhiyyə Nazirliyi və Təhsil Nazirliyinin əməkdaşları, bağça direktorları, Zərifə Əliyeva adına Naxçıvan Şəhər Poliklinikasının həkim heyəti və valideynlər iştirak edib. Açılış mərasimi uşaqlar üçün təşkil olunan əyləncəli şou proqramı ilə davam etdirilib.
Layihə çərçivəsində Zərifə Əliyeva adına Naxçıvan Şəhər Poliklinikasının həkim heyəti muxtar respublika üzrə fəaliyyət göstərən uşaq bağçalarında tibbi müayinələr həyata keçirəcək, valideynlərlə maarifləndirici söhbətlər aparacaq və uşaqlara D vitamini paylanılmasını davam etdirəcək.
Bu xeyriyyə aksiyası Naxçıvan Muxtar Respublikasında uşaqların sağlamlığının qorunması və gələcək nəslin rifahının təmin olunması istiqamətində atılan mühüm addımlardan biridir.
Nəşr edilib : 04.04.2025 18:14
Digər xəbərlər
