NAXÇIVAN :

22 Noyabr 2024, Cümə

Naxçıvan Müəllimlər İnstitutunda 18 oktyabr – Müstəqilliyin Bərpası Gününə həsr olunmuş tədbir keçirilib

...

"Şərq qapısı" xəbər verir ki, Naxçıvan Müəllimlər İnstitutunda 18 oktyabr – Müstəqilliyin Bərpası Gününə həsr olunmuş tədbirə müstəqil Azərbaycanın suverenliyi uğrunda canını qurban vermiş qəhrəman şəhidlərin və Ulu Öndər Heydər Əliyevin əziz xatirəsinin 1 dəqiqəlik sükutla yad edilməsi, ardınca Azərbaycan Respublikası Dövlət Himninin səsləndirilməsi ilə başlanılıb.
Giriş sözü ilə çıxış edən institutun rektoru Azad Novruzov Azərbaycanın Dövlət Müstəqilliyinin bərpasından bəhs edərkən bildirib ki, Ümummilli Lider Heydər Əliyevin hakimiyyətə gəlməsi ilə dövlət müstəqilliyinin möhkəmləndirilməsi istiqamətində görülən işlər və atılan məqsədyönlü addımlar Azərbaycanın bugünkü uğurları üçün ən etibarlı təməl olub. Odur ki, bu gün Azərbaycan hüququn aliliyi, demokratiya və dünyəvilik prinsipləri üzərində qurulmuş müstəqil dövlət kimi öz inkişafının ən parlaq dövrünü yaşayır.  Rektor Ali Baş Komandan cənab İlham Əliyevin rəhbərliyi altında və uzaqgörən siyasəti nəticəsində məğlubedilməz ordumuzun 44 günlük Vətən müharibəsindəki zəfərinin müstəqilliyimizin ən parlaq qələbəsi və gənclərin də bu müstəqilliyin sarsılmaz olmasının qarantı olduğunu vurğulayıb. Bildirib ki, II Vətən müharibəsində Azərbaycan xalqı öz liderinin ətrafında daha möhkəm birləşərək müstəqilliyimizin həmişəyaşarlığına imza atdı. Bu gün biz müstəqil dövlətimizlə qürur duyur və fəxr edirik. Azad Novruzov professor-müəllim kollektivinin, gələcək müəllimlərin üzərinə düşən vəzifələrdən danışıb, tədbir iştirakçılarını, bütün Azərbaycan xalqını 18 oktyabr – Müstəqilliyin Bərpası Günü münasibətilə təbrik edib.
Tədbirdə Humanitar və ictimai fənlər kafedrasının müdiri Aytəkin Qəhrəmanova “18 oktyabr – tariximizin şanlı səhifəsidir” mövzusunda çıxış edib. Məruzəçi öz çıxışında dövlət müstəqilliyimizin əhəmiyyətindən, Azərbaycanın siyasi, iqtisadi, mədəni sahələrdə qazandığı nailiyyətlərdən bəhs edib, həyata keçirilən tədbirlər haqqında ətraflı məlumat verib.
Sonra günün anlam mahiyyətini əks etdirən qısametrajlı videorolik nümayiş olunub, institutun tələbələrinin iştirakı ilə hazırlanan tədbirin bədii hissəsində vətənpərvərliyə həsr olunmuş müxtəlif məzmunlu şeirlər, solo mahnılar ifa edilib.
Nəşr edilib : 17.10.2024 18:58