NAXÇIVAN :

31 Yanvar 2025, Cümə

Naxçıvan Dövlət Universitetinin sabiq müəllimi vəfat edib

...

Naxçıvan Dövlət Universitetinin “Stomatologiya” kafedrasının sabiq müəllimi, Naxçıvan Muxtar Respublikasının əməkdar həkimi Vəli Əliyev vəfat edib.
"Şərq qapısı" xəbər verir ki, Vəli Əliyev 18 mart 1943-cü ildə Babək rayonunun Nehrəm kəndində anadan olub. O, uzun və şərəfli həyat yolu keçərək, vətəninə və xalqına səmərəli xidmət edib. 1966-1969-cu illərdə Culfa rayonunun Qazançı kəndində baş həkim, 1969-1993-cü illərdə Nehrəm kənd xəstəxanasında həkim stomatoloq kimi çalışıb. 1994-1997-ci illərdə Naxçıvan Muxtar Respublikasının Bakı şəhərindəki nümayəndəliyində müşavir vəzifəsində çalışaraq, muxtar respublikanın maraqlarını ləyaqətlə təmsil edib. 1997-2012-ci illərdə Naxçıvan Dövlət Universitetində “Stomatologiya” kafedrasında müəllim kimi fəaliyyət göstərən Vəli Əliyev, peşəkarlığı və səmimiyyəti ilə həmkarlarının və tələbələrinin dərin hörmətini qazanıb. Onun həyat yolu gələcək nəsillər üçün nümunədir. Vəli Əliyevin əziz xatirəsini ehtiramla yad edir, ailəsinə, yaxınlarına və onu sevənlərə dərin hüznlə başsağlığı veririk. 
Allah rəhmət eləsin!

Nəşr edilib : 25.01.2025 23:33