Hikmət Hacıyevə ağır itki
23:50 03.04.2025
0
0
0
NAXÇIVAN :
04 Aprel 2025, Cümə
Qədim Odlar yurdunun ayrılmaz tərkib hissəsi Naxçıvan bu gün bayram ab-havasına bürünüb. Həmişə təmiz görkəmi ilə qürur duyduğumuz şəhər bu günlər daha təmiz, daha səliqəli görünür. Yolumuzu çoxlarının “Köhnə bazar” kimi tanıdığı ünvana salmışıq. Çünki bu ərəfədə bazarın daha da zəngin olduğuna öyrəşmişik. Rəngarəngliyi ilə gözoxşayan, min bir naz-nemətin olduğu piştaxtalardan həm də baharın simvolu – incə belinə qırmızı kəmər sarınmış, yaşıl donlu səməni də boylanır.
Yenə sıralanıb alın təri ilə evinə çörək aparmağa çalışan zəhmət adamları. O adamlar ki artıq bir-birinə doğmalaşıb sanki bir ailənin nümayəndəsinə çevriliblər. Baharın gəlişi ilə açılmış könüllərin müsbət aurası çöküb çöhrələrə. Şirin bir həyəcan, təlaş hiss olunur qələbəlikdə. Bayramda ən gözəl süfrəni açmaq üçün dəridən-qabıqdan çıxan xanımlarımızın təlaşıdır bu. Axı xalqımızın ən əziz bayramıdır Novruz!
Bu bazarın alıcıları da sanki tanış simalardır. Həmişə ən yaxşı məhsulları seçərək evinin azuqəsini daşıyan alıcılar da satıcılarla doğmalaşıb artıq. Şən söhbəti, gülərüzü ilə müştərisinin istədiklərini torbalara yığan Məhəmməd Məmmədova yaxınlaşır, bayram bazarına hansı məhsulları gətirdiyini öyrənirik. Şahbuz rayonunun Qızıl Qışlaq kənd sakini Məhəmməd Məmmədov hər həftəsonu bura gələrək öz zəhməti ilə ərsəyə gətirdiyi məhsulları alıcılara təqdim etdiyini söyləyir və əlavə edir: “Ailə təsərrüfatçısıyam. Şahbuz rayonunun ən gözəl turşuları, kompotları, mürəbbələri buradadır. Həyətimizin cəvizi, fındığı, alması, heyvasını tədarük edərək bazara çıxarırıq. Alıcı qüvvəsi də yaxşıdır. Ən çox tələbat bayram məhsullarınadır. Belə ki, bu günlərdə daha çox çərəzlərin, meyvələrin, baldırğan, çaşır kimi turşuların satışını edirik”.
Həmçinin qeyd etməliyik ki, müsahibimiz müxtəlif dərman bitkiləri, doşab, yumurta və sair məhsullar da satır. Bu bazara bayram günlərində muxtar respublikanın bir çox bölgələrindən insanlar satıcı və alıcı qismində gəlir. Bayram günlərində onların əkib-becərdikləri məhsullar evimizdə bişən ən dadlı yeməklərin özəyini təşkil edir. Bu bayram həm də bolluğun, bərəkətin, ruzinin rəmzidir. Biz də burada işləyən zəhmət adamlarının bayramını təbrik edir, onlara bol ruzi arzu edirik. Bayramınız mübarək!
Türkanə ƏSƏDOVA
Digər xəbərlər