NAXÇIVAN :

07 Oktyabr 2026, Çərşənbə

Moskvada “3+3” formatında enerji əməkdaşlığı üzrə ilk görüşün keçirilməsi planlaşdırılır

...

Oktyabrda Moskvada “Rusiya Energetika Həftəsi” Beynəlxalq Forumu çərçivəsində “3+3” Regional Əməkdaşlıq Platformasının enerji əməkdaşlığı məsələləri üzrə ilk görüşünün keçirilməsi planlaşdırılır.

"Şərq qapısı" xəbər verir ki, bunu Rusiya Xarici İşlər Nazirliyinin MDB ölkələri üzrə 4-cü departamentinin direktoru Mixail Kaluqin “RİA Novosti” agentliyinə müsahibəsində bildirib.

Diplomat format çərçivəsində praktiki əməkdaşlığın genişləndiyini qeyd edib. Onun sözlərinə görə, iyunda Sankt-Peterburq Beynəlxalq İqtisadi Forumunda “3+3” ölkələri ekspertlərinin görüşü keçirilib.

M.Kaluqin, həmçinin platformya daxil olan ölkələrin xarici işlər nazirlərinin növbəti iclasının keçiriləcəyi yeri Azərbaycan və Ermənistanın müəyyənləşdirməli olduğunu bildirib.

“3+3” platformasına daxil olan ölkələrin xarici işlər nazirlərinin növbəti iclasının harada keçiriləcəyinə indi Bakı və İrəvan qərar verməlidir. Tərəfdaşlara lazımi dəstəyi göstərməyə hazırıq”, - deyə Rusiya XİN-in nümayəndəsi vurğulayıb.

Nəşr edilib : 06.10.2026 22:57