NAXÇIVAN :

10 Yanvar 2025, Cümə

İsrail Prezidenti Azərbaycana başsağlığı verib

...

İsrail Prezidenti İsxak Hersoq AZAL-a məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar Azərbaycana başsağlığı verib.

"Şərq qapısı" xəbər verir ki, bu barədə o, "X" hesabında paylaşım edib.

"Bu gün səhər saatlarında Aktau yaxınlığında qəzaya uğrayan Azərbaycan Hava Yollarının Bakıdan uçan təyyarəsinin dəhşətli faciəsi məni çox kədərləndirdi. İlham Əliyevə, Azərbaycan xalqına və yaxınlarını itirmiş şəxslərə dərin hüznlə başsağlığı verirəm. Bütün yaralıların tezliklə sağalması üçün dua edirəm", -İsrail Prezidenti qeyd edib.

Xatırladaq ki, Aktau şəhəri yaxınlığında AZAL-a məxsus Bakı-Qroznı reysini yerinə yetirən təyyarə qəzaya uğrayıb. Məlumata görə, ekipaj üzvləri də daxil olmaqla, təyyarədə olan 67 nəfərdən 32-si qəzadan sağ çıxıb.

Nəşr edilib : 25.12.2024 16:29