“Qədim ənənələr gələcəyə mirasdır” mövzusunda maar...
23:51 04.04.2025
0
0
0
İslamabadda Pakistan və Türkiyə arasında terrorla mübarizə məsləhətləşmələri keçirilib
İslamabadda Pakistan və Türkiyə arasında terrorla mübarizə məsləhətləşmələrinin ikinci raundu keçirilib.
"Şərq qapısı" xəbər verir ki, bu barədə Pakistan Xarici İşlər Nazirliyi məlumat yayıb. Bildirilib ki, hər iki tərəf qlobal və regional terrorizm mənzərəsini nəzərdən keçirib, regionda, həmçinin onun hüdudlarından kənarda terrorçu qurumların yaratdığı təhlükələr barədə fikir mübadiləsi aparıb. Hər iki dövlətin nümayəndələri öz təcrübələrini bölüşərək, terrorizmlə mübarizə sahəsində Pakistanla Türkiyə arasında davam edən əməkdaşlığı nəzərdən keçiriblər.
Pakistan nümayəndə heyətinə Xarici İşlər Nazirliyinin Terrorizmlə Mübarizə bölümünün Baş direktoru Əbdül Həmid, Türkiyə tərəfinə isə Türkiyə Xarici İşlər Nazirliyinin Kəşfiyyat və Təhlükəsizlik bölməsinin Baş direktoru Kənan Yılmaz rəhbərlik edib.
Görüş zamanı terrorçuluğun maliyyələşdirilməsinə qarşı mübarizə, internetdən bu kimi məqsədlər üçün istifadənin və radikallaşmanın qarşısının alınması sahələrində ikitərəfli əməkdaşlığın daha da gücləndirilməsi barədə razılıq əldə olunub. Bildirilib ki, məsləhətləşmələrin növbəti raundu Ankarada baş tutacaq.
Nəşr edilib : 11.02.2025 10:54
Digər xəbərlər
