NAXÇIVAN :

15 Yanvar 2025, Çərşənbə

İndoneziyada vulkan püskürməsi baş verib

...

İndoneziyanın Halmahera adasındakı İbu vulkanı yenidən aktivləşərək dörd kilometr yüksəkliyə kül püskürüb.

"Şərq qapısı" xəbər verir ki, bununla bağlı İndoneziyanın xəbər agentliyi olan ANTARA məlumat yayıb.

Bildirilib ki, iki dəqiqə davam edən püskürmə yerli vaxtla 07:11-də başlayıb və qalın kül qərbə doğru yayılıb.

Vulkanın 5 kilometr radiusunda hər cür fəaliyyətə qadağa qoyulub.

Ölkənin vulkanologiya agentliyinin bəyanatına görə, vulkanın yaxınlığında təxminən 13 min insan yaşayır, lakin hazırda təxliyə planı yoxdur.

Nəşr edilib : 15.01.2025 15:32