NAXÇIVAN :

26 Mart 2025, Çərşənbə

Gimnastika sahəsi üzrə uşaqlar üçün ustad dərsi keçilib

...

5 mart – Bədən Tərbiyəsi və İdman Günü ilə əlaqədar uşaqların fiziki inkişafını dəstəkləmək, onların bədən tərbiyəsinə olan marağını artırmaq və uşaqlar arasında sağlam həyat tərzini təşviq etmək məqsədilə gimnastika üzrə Şahbuz rayonunda ustad dərsi təşkil olunmuşdur. 
Şahbuz Rayon Uşaq-Gənclər Yaradıcılıq Mərkəzində keçilən ustad dərsdə əvvəlcə Ulu Öndər Heydər Əliyevin və Vətən uğrunda şəhadətə yüksələn şəhidlərin əziz xatirəsi bir dəqiqəlik sükutla yad edilmişdir. Şahbuz Rayon İcra Hakimiyyətinin əməkdaşı Ülvi Əliyev açılış nitqi verərək tədbirin mahiyyətindən bəhs etmişdir. Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi Aparatının şöbə müdiri Gülər Əhmədova günün əhəmiyyətindən, komitənin fəaliyyət istiqamətinə uyğun olaraq bədən tərbiyəsi və idmanın təbliği istiqamətində aparılan maarifləndirmə işlərindən, Şahbuz Rayon Təhsil Şöbəsinin əməkdaşı Hüseyn Qəhrəmanov isə Şahbuz rayonunda idman və digər yaradıcılıq sahələrində uşaqlar üçün yaradılan şəraitdən bəhs etmişdir. Daha sonra müxtəlif yaş qruplarından olan 37 uşaq ustad dərsdə iştirak edərək Azərbaycan İdman Ustası Humay Qafarovanın rəhbərliyi altında xüsusi məşqlər həyata keçiriblər. İdman ustası uşaqlara doğru duruş, elastiklik və koordinasiya kimi vacib bacarıqları məşq etdirib. 
Gimnastika sahəsindəki ustad dərs uşaqlarda özünə inam hissinin artırılması, komandada işləmək bacarığının inkişaf etdirilməsi, onlarda fiziki aktivlik və sağlam həyat tərzinin formalaşdırılması, uşaqların bədən tərbiyəsi və idmana maraqlarının daha da artmasında əhəmiyyətli rol oynayır.
Həmçinin,ə ustad dərsdə iştirak edən uşaqlara gimnastikanın fiziki və psixoloji faydaları barədə ətraflı məlumat verilib.

Nəşr edilib : 04.03.2025 23:33