NAXÇIVAN :

13 Mart 2025, Cümə axşamı

Ermənistan XİN: İrəvan Bakı ilə sülh sazişinin imzalanma vaxtını və yerini müzakirə etməyə hazırdır

...

Ermənistan Xarici İşlər Nazirliyi (XİN) Bakının sülh sazişi mətninin son iki bəndinin razılaşdırılması ilə bağlı bəyanatlarını təsdiqləyib.

"Şərq qapısı" xəbər verir ki, bu barədə erməni KİV-ləri məlumat yayıb.

"Ermənistanın Xarici İşlər Nazirliyi "Ermənistan Respublikası ilə Azərbaycan Respublikası arasında sülhün və dövlətlərarası münasibətlərin qurulması haqqında" sazişin layihəsi üzrə razılaşmanın əldə edilməsi və bu saziş layihəsi üzrə razılığın əldə edilməsi ətrafında danışıqların başa çatması faktını təsdiqləyir", - məlumatda bildirilib.

Qeyd olunub ki, Ermənistan xarici siyasət idarəsi diplomatik kanallar vasitəsilə Bakıya Ermənistanın sülh müqaviləsi layihəsinin iki razılaşdırılmamış maddəsi üzrə Azərbaycanın təkliflərini qəbul etdiyini çatdırıb.

“İrəvan Azərbaycanla sülh sazişinin imzalanma vaxtını və yerini müzakirə etməyə hazırdır", - Ermənistan XİN məlumatda vurğulayıb.

Xatırladaq ki, xarici işlər naziri Ceyhun Bayramov bu gün Azərbaycan və Ermənistanın sülh sazişinin mətninin razılaşdırılması üzrə danışıqları başa çatdırdığını bəyan edib.

Nəşr edilib : 13.03.2025 18:03