NAXÇIVAN :

09 Sentyabr 2026, Çərşənbə

Ceyhun Bayramov: İqlim dəyişikliyi artıq uzaq təhlükə deyil

...

Bu gün biz sürətli ətraf mühit dəyişikliklərinə məruz qalan bir planetin fonunda bir araya gəlmişik. İqlim dəyişikliyi reallığı artıq uzaq bir təhlükə deyil. Proqnozlar artıq bütün dünyada gözlə görünür. Son bir neçə ildə ciddi dəyişikliklərin şahidi olmuşuq. Bunu bu gün sahillərimiz və sahilyanı ərazilərimiz boyunca da görə bilərsiniz. İqlim dəyişikliyinin təsirləri milli iqtisadiyyatlara və qlobal maliyyə bazarlarına təzyiq göstərərək mövcud çətinlikləri daha da artırır.

"Şərq qapısı" xəbər verir ki, bunu sentyabrın 9-da Bakıda Azərbaycanın ev sahibliyi və Xarici İşlər Nazirliyinin təşkilatçılığı ilə keçirilən BMT-nin İqlim Dəyişmələri üzrə Çərçivə Konvensiyasının Dördüncü İqlim Həftəsinin (CW4) yüksəksəviyyəli açılış mərasimində Azərbaycanın xarici işlər naziri Ceyhun Bayramov çıxışı zamanı deyib.

Nazirin sözlərinə görə, bu proseslər iqtisadi şaxələndirməni və enerjidə davamlılığı milli təhlükəsizlik, iqtisadi sabitlik və uzunmüddətli möhkəmlik üçün daha da vacib edir.

Ceyhun Bayramov qlobal iqlim gündəliyinin irəlilədilməsində həlledici rolun davam etdirilməsinin vacibliyini vurğulayıb. O, qarşıdakı aylarda beynəlxalq liderliyi regionda atılacaq qətiyyətli addımlarla tamamlayacağımızı diqqətə çatdırıb.

Nəşr edilib : 09.09.2026 12:25