Bu gün Naxçıvanda liseylərə qəbul imtahanı keçirilir

Bu gün 2026-2027-ci tədris ili üçün Naxçıvan Muxtar Respublikası Təhsil Nazirliyinin tabeliyində fəaliyyət göstərən Naxçıvan Qızlar və Şərur Şəhər Fizika-Riyaziyyat Təmayüllü liseylərinin VII siniflərinə ölkə üzrə mərkəzləşmiş qaydada qəbul imtahanı keçirilir.
Naxçıvan Muxtar Respublikası Təhsil Nazirliyindən “Şərq qapısı”na bildirilib ki, imtahan hər iki liseyin inzibati binasında təşkil olunub.

İmtahanda sənəd qəbulu prosesində iştirak edən şagirdlərə tədris dili və riyazi təfəkkürü ölçən müxtəliftipli suallar təqdim olunur.