NAXÇIVAN :

08 Yanvar 2025, Çərşənbə

Azərbaycanın Xalq artisti Miri Yusif: “Bu Naxçıvanda 2-ci böyük solo konsertimdir"

...

Naxçıvan şəhərində  keçirilən “Snow fest – Qış festivalı”nda  bir-birindən maraqlı, rəngarəng konsert proqramları təşkil olunur.  Bu axşam festival çərçivəsində Azərbaycanın Xalq artisti  Miri Yusif möhtəşəm ifaları ilə Naxçıvanda  əsl bayram əhvali-ruhiyyəsi yaradacaq.
Müğənni  konsertdən əvvəl  təəssüratlarını “Şərq qapısı” qəzeti ilə bölüşdü: “Axşam baş tutacaq konsertimizə hazırıq. 2025-ci ilin ilk günlərini doğma Naxçıvanımızın sakinləri ilə birgə qarşılamaq möhtəşəmdir. Bu Naxçıvanda 2-ci böyük solo konsertimdir. Çalışacağam ki, sevilən hitlərimlə  dinləyicilərimizə musiqi və əyləncə dolu bir gün yaşadaq. Doğma Naxçıvan sakinlərinin yüksək əhvali-ruhiyyəsinin bugünkü konsertimizi daha da yaddaqalan edəcəyinə əminəm. Konsertimizdə sevilən ifalarımın dinləyicisi olan   gənclərin enerjisi, coşqusu bizi daha da həvəsləndirir.  Axşam canlı musiqi və möhtəşəm şou proqramı ilə unudulmaz bir gecə  olacaq. Möhtəşəm konsertimizə hər kəsi gözləyirik. İnanıram ki, Naxçıvanda sevənlərimizlə tez- tez görüşəcəyik.  Hər kəsin yeni ilini  təbrik edirəm”.

Bülbül QULİYEVA

Nəşr edilib : 03.01.2025 14:01