NAXÇIVAN :

08 Iyun 2026, Bazar ertəsi

Azərbaycanın media nümayəndələri Türkmənistan muzeyləri ilə tanış olublar

...

Türkmənistanda keçirilən Azərbaycan Mədəniyyəti Günləri ilə bağlı qardaş ölkəyə ezam olunan media nümayəndələri üçün iyunun 7-də Aşqabad şəhərində Türkmən Milli Xalça Muzeyi və Dövlət Mədəniyyət Mərkəzinin Dövlət Muzeyinə tur təşkil olunub.

Bu barədə Mədəniyyət Nazirliyindən məlumat verilib.

Məlumat verilib ki, Türkmənistan Prezidenti Saparmurat Niyazovun müvafiq Fərmanı ilə 1993-cü ildə yaradılan Xalça Muzeyi ölkənin zəngin xalçaçılıq irsini qoruyan və təbliğ edən əsas mədəniyyət mərkəzidir. Muzeydə nadir qədim xalçalar və dünyaca məşhur eksponatlar qorunur.

Muzeydə 2001-ci ildə toxunmuş, sahəsi 301 kvadratmetr və çəkisi 1200 kiloqram olan dünyanın ən böyük xalçası saxlanılır. Bu əsər 2003-cü ildə "Ginnesin rekordlar kitabı"na daxil edilib.

2000-dən çox eksponatın qorunduğu muzeyin yaradıldığı gün hər il Türkmənistanda rəsmi şəkil "Türkmən Xalçası Günü" kimi qeyd olunur.

Dövlət Mədəniyyət Mərkəzinin Dövlət Muzeyi ilə tanışlıq zamanı isə bildirilib ki, ölkənin ən böyük muzeyi türkmən xalqının qədim və zəngin mədəni irsini, tarixini və dövlətçilik ənənələrini özündə birləşdirir. Burada 500 mindən çox unikal arxeoloji, tarixi və etnoqrafik eksponat saxlanılır.

Media nümayəndələri hər iki muzeydən zəngin təəssüratla ayrılıblar.

Nəşr edilib : 08.06.2026 08:56