Azərbaycan və Türkiyə Bakı-Tbilisi-Qars layihəsinin inkişafını müzakirə edib

Azərbaycan və Türkiyə arasında Bakı-Tbilisi-Qars layihəsinin inkişafı müzakirə edilib.

Bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsində hesabında bildirib.

"Türkiyəyə işgüzar səfər çərçivəsində nəqliyyat və infrastruktur naziri Abdulkadir Uraloğlu ilə görüşdük. İki ölkə arasında nəqliyyat sahəsində əməkdaşlığı, Orta Dəhlizin daşıma potensialının artırılması üçün birgə görüləcək işləri, eləcə də Bakı-Tbilisi-Qars layihəsinin inkişafı məsələlərini müzakirə etdik", - deyə o qeyd edib.