NAXÇIVAN :

04 Aprel 2025, Cümə

"Ana dilimizi dilimizdə yaşadaq" adlı tədbir keçirilib

...

20 fevral 2025-ci il tarixdə İmran Qasımov adına Naxçıvan Şəhər Mərkəzləşdirilmiş Kitabxana Sisteminin Mərkəzi Kitabxanasında Naxçıvan Şəhər İcra Hakimiyyətinin, Naxçıvan Şəhər Mədəniyyət İdarəsinin məsul nümayəndələrinin iştirakı ilə tədbir keçirilib. Beynəlxalq Ana Dili Günü ilə əlaqədar "Ana dilimizi dilimizdə yaşadaq" adlı tədbiri giriş sözü ilə İmran Qasımov adına Naxçıvan Şəhər  Mərkəzləşdirilmiş Kitabxana Sisteminin direktoru Minayə Nəbisoy açmış, Beynəlxalq Ana Dili Gününün əhəmiyyətindən danışaraq bildirib ki, 21 fevral dünyada "Beynəlxalq Ana dili Günü" kimi qeyd olunur. Əsrlər, qərinələrdir ki, xalqımızın əbədiyaşarlığına xidmət edən ana dilimiz qədim tarixə malik olan, min illərlərin müxtəlif burulğanlarından alnıaçıq, üzüağ çıxaraq müasir dövrə gəlib çatmış ən böyük mənəvi sərvətimizdir.   Kitabxananın Oxu zalının müdiri Lalə Zeynalova "Ana dilimiz varlığımız və qürur mənbəyimizdir" mövzusunda çıxış etmiş, qeyd etmişdir ki, dünya ölkələrinin təmsil olunduğu Birləşmiş Millətlər Təşkilatında 6 rəsmi dil var: ingilis, fransız, ərəb, çin, rus və ispan dilləri. Bu dillərin yaşaması üçün həmin dildə ən azı 100 min insan danışmalıdır. Komplektləşdirmə və kitabişləmə şöbəsinin böyük kitabxanaçısı Aysu Məhərrəmli "Ana dilimizi dilimizdə yaşadaq" mövzusunda çıxış edib və həmin şöbənin baş kitabxanaçısı Fərasət Əsədullasoy şair Bəxtiyar Vahabzadənin "Ana dilim" şeirini bədii qiraət edib. Sonra tədbirdə iştirak edən Naxçıvan Şəhər İcra Hakimiyyətinin nümayəndəsi Orxan Məhərrəmov ana dilimizin öz qrammatik quruluşuna  görə zəngin, fonetik ahənginə görə qeyri-adi gözəlliyə malik bir dil olduğunu vurğulamış və tədbirin təşkil edilməsində kitabxana əməkdaşlarına öz minnətdarlığını bildirib.
Həmçinin kitabxanada mövzuya uyğun kitab sərgisi təşkil olunub.

Nəşr edilib : 20.02.2025 19:40