NAXÇIVAN :

04 May 2026, Bazar ertəsi

Naxçıvan Dövlət Kukla Teatrının “Arşın Mal Alan” tamaşası Qax səhnəsində alqışlarla qarşılandı

...

20 sentyabr 2025-ci il tarixində Qax Dövlət Kukla Teatrının səhnəsində M.T.Sidqi adına Naxçıvan Dövlət Kukla Teatrı böyük bəstəkar, dahi Üzeyir Hacıbəylinin 140 illik yubileyinə həsr olunmuş “Arşın Mal Alan” tamaşasını böyük uğurla təqdim edib.
Səhnə əsəri tamaşaçılar tərəfindən alqışlarla qarşılanmış, milli musiqi irsinin təbliği və iki teatr arasında mədəni əməkdaşlıq əlaqələrinin daha da möhkəmlənməsi baxımından əlamətdar hadisəyə çevrilmişdir. Tədbir çərçivəsində Qax Dövlət Kukla Teatrı ilə Naxçıvan Dövlət Kukla Teatrı arasında qarşılıqlı əməkdaşlıq haqqında memorandum imzalanıb.
Qax Dövlət Kukla Teatrının direktoru əməkdar artist Yusif Abdurahmanov Naxçıvan Dövlət Kukla Teatrının direktoru Səyyad Məmmədova diplom və xatirə hədiyyəsi təqdim edərək, kollektivə yeni yaradıcılıq uğurları arzulamışdır. Öz növbəsində Səyyad Məmmədov da Qax Dövlət Kukla Teatrına xatirə hədiyyəsini təqdim edərək, qarşılıqlı əməkdaşlığın gələcəkdə daha geniş miqyasda davam edəcəyinə inamını ifadə edib.

Nəşr edilib : 21.09.2025 14:57