Heydər Əliyev su anbarının ətrafı tullantılardan təmizlənib

Martın 18-də ekokönüllülərin iştirakı ilə Heydər Əliyev su anbarının ətrafında təmizlik aksiyası keçirilib.

"Şərq qapısı" xəbər verir ki, “Şəhərsalma və Memarlıq İli” çərçivəsində təşkil olunan aksiyada Naxçıvan Muxtar Respublikası Ekologiya və Təbii Sərvətlər Nazirliyinin əməkdaşları və ekokönüllülər iştirak ediblər.
Aksiya zamanı ərazi, ümumilikdə, 100 kiloqramdan artıq tullantıdan təmizlənib.

Aksiyanın keçirilməsində məqsəd ətraf mühitin mühafizəsi, ekoloji şüurun artırılması, təbiətə qarşı məsuliyyətli yanaşmanın təşviqi və tullantıların düzgün idarə olunmasına diqqətin cəlb edilməsidir.