NAXÇIVAN :

24 Iyun 2025, Çərşənbə axşamı

Təcili Tibbi Yardım Xidmətinə yeni tibbi avadanlıqlar alınıb

...

Naxçıvan Muxtar Respublikası Səhiyyə Nazirliyi tərəfindən Azərbaycan Respublikası Prezidentinin Sərəncamı ilə təsdiq edilmiş "Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı"nın icrası uğurla davam etdirilir.  
Bu istiqamətdə atılan mühüm addımlardan biri də Təcili Tibbi Yardım Xidmətinin keyfiyyətinin artırılması məqsədilə müasir tibbi avadanlıqların alınmasıdır. Bu çərçivədə 2 ədəd defibrilyator, 10 ədəd xəstəbaşı monitoru, 5 ədəd şprislə işləyən (şırınqa) pompa, 5 ədəd infuzomat, 2 ədəd xəstə daşıyan araba (transfer arabası), 2 ədəd xərək və 3 ədəd dörd motorlu reanimasiya çarpayısı Naxçıvan Muxtar Respublikası Xəstəxanasına təhvil verilmişdir. Təqdimat mərasimində çıxış edən Naxçıvan Muxtar Respublikasının səhiyyə naziri Samiq Sadıxov bildirmişdir ki, səhiyyə sahəsində aparılan islahatlar yalnız infrastrukturun yenilənməsi ilə məhdudlaşmır. Əsas məqsəd əhaliyə göstərilən tibbi xidmətlərin keyfiyyətinin yüksəldilməsi və vətəndaş məmnunluğunun təmin olunmasıdır. Yeni tibbi avadanlıqların istifadəyə verilməsi isə bu məqsədə nail olunması istiqamətində atılmış mühüm addımlardan biridir.

Nəşr edilib : 14.06.2025 19:59