NAXÇIVAN :

21 Dekabr 2024, Şənbə

Şərurda 5400 kq ot bağlaması yanıb

...

Naxçıvan Muxtar Respublikasının Fövqəladə Hallar Nazirliyinin “112” qaynar telefon xəttinə Şərur rayon Alışar kəndində ot bağlamalarında yanğın hadisəsinin baş verməsi barədə məlumatlar daxil olub.
"Şərq qapısı" xəbər verir ki, məlumatla əlaqədar dərhal Şərur Rayon Yanğından Mühafizə Hissəsinin qüvvələri hadisə yerlərinə cəlb olunub.
Əməliyyat şəraitinə uyğun olaraq həyata keçirilən zəruri və təxirəsalınmaz tədbirlər sayəsində baş vermiş yanğın genişlənərək ətraf ərazilərə yayılmasına imkan verilmədən qısa müddətdə söndürülüb.
Hadisə nəticəsində təxminən 5400 kq ot bağlaması yanıb, 4500 kq isə yanğından mühafizə olunub.

Nəşr edilib : 17.12.2024 15:49