NAXÇIVAN :

22 Noyabr 2024, Cümə

Şərur şəhərində ağacəkmə aksiyası keçirilib

...

Ölkə miqyasında həm COP29, həm də “Yaşıl dünya naminə həmrəylik ili” ilə əlaqədar müxtəlif tədbirlər keçirilir. Bu istiqamətdə görülən işlərin davamı olaraq 18-28 oktyabr tarixlərdə Azərbaycanın 85 şəhər və rayon icra hakimiyyəti tərəfindən “Yaşıl bir dünya üçün həmrəy olaq!” şüarı altında keçiriləcək ağacəkmə aksiyasına bu gün start verilib.

Bu münasibətlə Şərur Rayon İcra Hakimiyyəti tərəfindən Şərur şəhərində ağacəkmə aksiyası keçirilib. İcra hakimiyyətinin və ictimaiyyət nümayəndələrinin iştirakı ilə təşkil edilən aksiyada 300-dən artıq meyvə tingləri əkilib, təbiətə qayğı göstərilib.

Aksiyanın əvvəlində Şərur rayon İcra hakimiyyəti başçısı Kamal Cəfərov çıxış edərək 18 oktyabr – Müstəqilliyin Bərpası Günü münasibətilə aksiya iştirakçılarını təbrik edib. Bildirib ki, 10 gün ərzində keçiriləcək ağacəkmə aksiyasında Şərur rayon ərazisində, ümumilikdə, 11700-dən artıq ağac və gül kolları əkiləcək. ‎
Nəşr edilib : 18.10.2024 19:33