"Şərq qapısı" qəzetinin gənc əməkdaşları “100 ilin qəhrəmanları” kitabını şəhid analarına təqdim ediblər

8 Mart – Beynəlxalq Qadınlar Günü ərəfəsində “Şərq qapısı” qəzetinin hazırladığı “100 ilin qəhrəmanları” kitabı qəzetin gənc əməkdaşları tərəfindən şəhid analarına təqdim olunub.

Qeyd edək ki, kitab Azərbaycan Respublikası Prezidentinin "Naxçıvan Muxtar Respublikasının 100 illik yubileyinin qeyd edilməsi haqqında" Sərəncamına əsasən Naxçıvan Muxtar Respublikası Nazirlər Kabinetinin Tədbirlər Planına uyğun olaraq Azərbaycan Respublikası Prezidentinin səlahiyyətli nümayəndəliyinin dəstəyi ilə nəşr edilib.

“Şərq qapısı” qəzetinin “100 ilin qəhrəmanları” layihəsi çərçivəsində hazırlanan kitabda Vətən müharibəsi və sonrakı hərbi əməliyyatlarda şəhid olmuş igidlərimizin valideynlərinin xatirələri yer alıb. 44 cümlədən ibarət bu xatirələr şəhidlərimizə olan sonsuz sevgi və ehtiramın ifadəsidir.

Kitabda 150 şəhid haqqında yazılar toplanıb və muxtar respublikanın bütün şəhid ailələrinə təqdim olunacaq.