NAXÇIVAN :

12 Aprel 2025, Şənbə

Rusiya və Türkiyənin xarici işlər nazirləri Cənubi Qafqazda vəziyyəti müzakirə ediblər

...

Türkiyənin Antalya şəhərində işgüzar səfərdə olan Rusiyanın xarici işlər naziri Sergey Lavrov türkiyəli həmkarı Hakan Fidanla görüşüb.
"Şərq qapısı" Rusiya Xarici İşlər Nazirliyinə istinadla xəbər verir ki, S.Lavrov səfər çərçivəsində H.Fidan ilə ikitərəfli danışıqlar aparıb, həmçinin IV Antalya Diplomatiya Forumunda iştirak edib.
Görüş zamanı S.Lavrov və H.Fidan beynəlxalq və regional gündəliyin əsas məsələləri, o cümlədən Yaxın Şərq, Şimali Afrika, Cənubi Qafqaz və Qara dəniz regionunda vəziyyətlə bağlı ətraflı müzakirələr aparıblar. Həmçinin siyasi dialoq, iqtisadi-ticari və enerji sahələrində əməkdaşlıq üzrə mövqelər nəzərdən keçirilib.
Tərəflər qarşıdakı Rusiya-Türkiyə təmaslarının qrafikini də müzakirə ediblər.

Nəşr edilib : 12.04.2025 18:13