NAXÇIVAN :

07 Iyun 2025, Şənbə

Qurban bayramı münasibətilə Ordubad şəhər tam orta internat məktəbində görüş keçirilib

...

Naxçıvan Muxtar Respublikası Səhiyyə Nazirliyinin təşkilatçılığı ilə "Konstitusiya və Suverenlik İli" çərçivəsində Qurban bayramı münasibətilə Ordubad şəhər tam orta internat məktəbində təhsil alan uşaqlarla görüş təşkil olunmuşdur.
Tədbirin məqsədi uşaqlara bayram sevinci yaşatmaq, onların sağlamlığına diqqəti artırmaq və qayğı ilə əhatə olunmalarını təmin etməkdir. Görüş zamanı uşaqlar üçün əyləncəli proqramlar təqdim edilmiş, çay süfrəsi təşkil olunmuş və onlara müxtəlif hədiyyələr təqdim edilmişdir.
Tədbir çərçivəsində uşaqların tibbi müayinəsi həyata keçirilmiş, müxtəlif sahələr üzrə ixtisaslaşmış həkimlər tərəfindən sağlamlıqları yoxlanılmışdır. Müayinələrin nəticələri əsasında uşaqlara lazımi tibbi məsləhətlər verilmiş və zəruri hallarda əlavə tədbirlərin görülməsi üçün müvafiq göstərişlər hazırlanmışdır.
Səhiyyə Nazirliyi tərəfindən keçirilən bu kimi tədbirlər uşaqların sağlam və xoşbəxt böyüməsinə, onların cəmiyyətə sağlam fərd kimi qazandırılmasına xidmət edir.

Nəşr edilib : 06.06.2025 13:54