NAXÇIVAN :

26 Mart 2025, Çərşənbə

Ötən il Naxçıvan şəhərində 8 yerdə açıq hava idman qurğuları istifadəyə verilib

...

“Naxçıvan Muxtar Respublikasının sosial-iqtisadi inkişafına dair 2023-2027ci illər üçün Dövlət Proqramı”nın icrası istiqamətində Nazirlik tərəfindən həyata keçirilməsi zəruri olan tədbirlər icra edilməkdədir. Dövlət Proqramına uyğun olaraq gənclərin şəxsi və peşəkar inkişafı istiqamətində müxtəlif mövzularda şəxsi inkişaf təlimləri təşkil edilmiş və bu proses cari ildə də davam etdiriləcəkdir. 2024-cü ildə Dövlət Proqramına uyğun olaraq Naxçıvan şəhərinin müxtəlif ərazilərində olmaqla, 8 yerdə açıq hava idman qurğuları əhalinin istifadəsinə verilmişdir. Düşünürük ki, dövlətin həyata keçirdiyi bu yenilik şəhər infrastrukturuna, şəhərin idman mühitinə əlavə dəyər qatacaq, əhalini sağlam həyat tərzinə sövq edəcək, gənclərimizin fiziki hazırlığı baxımından faydalı vasitəyə çevriləcəkdir.


"Şərq qapısı" xəbər verir ki, bu sözləri Naxcıvan Muxtar Respublikası gənclər və idman nazirinin müavini, nazir vəzifəsinə müvəqqəti icra edən Məcid Seyidov 2024-cü ilin yekunları və qarşıda duran vəzifələrə dair mətbuat konfransında deyib.

Nazir müavini qeyd edib ki, 2025-ci il ərzində də muxtar respublikanın rayon və şəhərlərində, böyük qəsəbələrində olmaqla, ümumilikdə 11 yerdə sadə tipli idman qurğularının quraşdırılması nəzərdə tutulur. Artıq Nazirlik tərəfindən bununla bağlı müvafiq işlər həyata keçirilməkdədir. Bundan başqa, Azərbaycan Respublikası Gənclər və İdman Nazirliyinin “Sağlam məhəllə” layihəsinin muxtar respublikanın Babək, Culfa və Şahbuz şəhərlərində həyata keçirilməsi nəzərdə tutulur. Bütün bu işlər nəticəsində il sonuna kimi muxtar respublikanın bütün bölgələri daxil olmaqla, əhalinin ödənişsiz istifadəsinə veriləcək idman meydançalarının ümumi sayı 22-ə yüksələcək. Hazırda mövcud say 8-dir.

Nəşr edilib : 05.03.2025 12:59