Ordubad rayon Kələntərdizə, Qoşadizə, Aza və Darkənd kəndlərindəki əsas yollar və kənddaxili yollarda yenidənqurma işləri aparılır

"Şərq qapısı" xəbər verir ki, 2,5 km uzunluğunda olan Kələntərdizə-Qoşadizə avtomobil yolu müasir standartlara uyğun olaraq yenidən inşa olunur. Bu yolun 2480 metr hissəsinə birinci qat asfalt verilib. Həmçinin 2748 metrdən artıq məsafədə beton arx salınıb, körpü salınıb və su keçidləri təmir olunub.
Aza kəndində isə avtomobil yolunun 1880 metrlik hissəsinə birinci asfalt qatı verilib. Eyni uzunluqda beton su kanalı çəkilib, su keçidləri isə yenidən quraşdırılıb.
Aza və Darkənd yolunda da əsaslı təmir işləri görülüb. Belə ki, burada 1 km-dən artıq yolda bərkitmə işləri aparılıb və birinci qat asfalt verilib. 700 metrdən artıq beton kanal çəkilib.