NAXÇIVAN :

22 Noyabr 2024, Cümə

Naxçıvanda ümumtəhsil müəssisələrinə direktor vəzifəsi üçün test imtahanı keçirilib

...

Oktyabrın 6-da Naxçıvanda  ilk dəfə olaraq ölkə üzrə mərkəzləşmiş qaydada  şagird  sayı 151-500-dək olan ümumtəhsil müəssisələrinə  direktor vəzifəsi üçün test imtahanı keçirilib.
"Şərq qapısı" xəbər verir ki, imtahanda 22 namizəd iştirak edib. 
 Namizədlərə 80 dəqiqə müddətində tənqidi oxu bacarığı üzrə 15, riyazi və məntiqi düşünmə üzrə 15, əmək və təhsil qanunvericiliyi üzrə 15 sual olmaqla, ümumilikdə 45 test tapşırığı təqdim olunub.
Namizədlərin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilib  və imtahan başa çatdıqdan dərhal sonra  elan olunub.
Məlumat üçün bildirək ki, test mərhələsində uğur qazanan namizədlər müsahibə mərhələsində iştirak hüququ qazanıb. Qeyd edək ki, müsabiqəyə Naxçıvan Muxtar Respublikasının əhatə etdiyi şagird  sayı 151- 500-dək olan ümumtəhsil məktəbləri  üzrə 17 direktor vəzifəsi çıxarılıb.
Nəşr edilib : 06.10.2024 15:02