NAXÇIVAN :

18 Sentyabr 2026, Cümə

Naxçıvanda Qadın Sahibkarlar Forumu başlayıb

...

Naxçıvan Dövlət Milli Dram Teatrında qadın sahibkarlığının inkişafına həsr olunan “Qadın Sahibkarlar Forumu – Naxçıvan 2026” keçirilir.

“Şərq qapısı” xəbər verir ki, forumun məqsədi qadın sahibkarlığının inkişafına dəstək vermək, dövlət dəstəyi və yeni imkanları müzakirə etmək, innovasiya, aqrobiznes, rəqəmsal sahibkarlıq və dayanıqlı inkişaf sahələrində əməkdaşlığı gücləndirməkdir.

Forum çərçivəsində rəsmi çıxışlar olacaq, qadın sahibkarlığı, dövlət dəstəyi, yeni biznes imkanları, innovasiya, aqrobiznes, rəqəmsal sahibkarlıq, dayanıqlı inkişaf və gənclərin rolu istiqamətlərində panel müzakirələri təşkil ediləcək.

Qeyd edək ki, “Qadın Sahibkarlar Forumu – Naxçıvan 2026” “Şəhərsalma və Memarlıq ili” çərçivəsində Azərbaycanda Qadın Sahibkarlığının İnkişafı Assosiasiyasının, Naxçıvan Muxtar Respublikası İqtisadiyyat Nazirliyi, Ailə, Qadın və Uşaq Problemləri üzrə Dövlət Komitəsi, Kiçik və Orta Biznesin İnkişafı Agentliyinin Naxçıvan Muxtar Respublikası üzrə regional koordinatorluğu və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının birgə tərəfdaşlığı ilə keçirilir.

Nəşr edilib : 18.09.2026 11:35