NAXÇIVAN :

02 May 2026, Şənbə

Naxçıvanda ötən sutka ərzində 2 yanğın hadisəsi baş verib

...

Naxçıvan Muxtar Respublikası Fövqəladə Hallar Nazirliyindən "Şərq qapısı"na verilən məlumata görə, nazirliyin “112” qaynar telefon xəttinə daxil olan zənglər əsasında nazirliyin yanğından mühafizə bölmələri tərəfindən 2 yanğın hadisəsinə çıxış həyata keçirilib.

Belə ki, Şərur rayonu, Yengicə kəndində ot bağlamalarında, Ordubad rayonu, Darkənd kəndində isə quru ot və kol-kos sahələrində yanğın hadisələri baş verib.

Görülən təcili və təxirəsalınmaz tədbirlər nəticəsində yanğınların daha geniş sahələrə yayılmasının qarşısı alınaraq operativ söndürülməsi təmin edilib.

Nəşr edilib : 24.02.2026 10:39