“Qədim ənənələr gələcəyə mirasdır” mövzusunda maar...
23:51 04.04.2025
0
0
0
Naxçıvanda meşələrin elektron kadastrı yaradılıb
Muxtar respublikamızda meşələrin mühafizəsində, zənginləşdirilməsində belə ünvanlarda olan qiymətli sərvətlərin öyrənilməsi və istifadəsi diqqət mərkəzində saxlanılır. Bunun bariz ifadəsidir ki, 2023-cü ildən etibarən bölgədə ilk dəfə olaraq meşələrin kadastrının aparılmasına başlanılıb və artıq elektron kadastr sistemi yaradılıb.
Naxçıvan Muxtar Respublikası Ekologiya və Təbii Sərvətlər Nazirliyi tərəfindən 3 yaşıllıq sahəsi və 26 dövlət meşəsinin elektron kadastrı həyata keçirilib. Bu çərçivədə meşələrin dəqiq planı, həcm cədvəlləri və taksasiya göstəriciləri hazırlanıb. Elektron kadastr sistemi meşə təsərrüfatının daha səmərəli idarə olunmasına və ətraf mühitin qorunmasına böyük töhfə verəcək.
Hazırda kadastr işləri Biçənək Dövlət Meşəsində davam etdirilir. Bu prosesin başa çatması ilə Naxçıvan Muxtar Respublikasında meşələrin idarə olunması və qorunması daha effektiv və müasir metodlarla təmin ediləcək.
Bu yenilik Naxçıvanda ekoloji tarazlığın qorunması və təbii sərvətlərin dayanıqlı istifadəsi istiqamətində atılan önəmli addımlardan biri kimi qiymətləndirilir.
Aygün RÜSTƏMOVA
Nəşr edilib : 18.02.2025 18:07
Digər xəbərlər
