NAXÇIVAN :

20 Aprel 2025, Bazar

Naxçıvanda ilk dəfə olaraq şagird sayı 150-dək olan təhsil müəssisələrində vakant olan direktor vəzifəsi üçün müsahibə mərhələsi yekunlaşıb

...

"Şərq qapısı" xəbər verir ki, Naxçıvan Muxtar Respublikası Təhsil Nazirliyi tərəfindən  Naxçıvanda ilk dəfə olaraq şagird sayı 150-dək olan təhsil müəssisələrində  vakant olan  direktor vəzifəsi üçün  müsahibə mərhələsi yekunlaşıb. 
Naxçıvan STEAM Təlim- Tədris Mərkəzində keçirilən  müsahibə mərhələsində videoçəkiliş təmin edilməklə  namizədlərin  vəzifə üzrə nəzəri bilikləri,  idarəetmə bacarıqları və şəxsi keyfiyyətləri  hər meyar üzrə 5 ballıq şkala əsasında qiymətləndirilib.  Qeyd edək ki, müsahibə mərhələsi iki gün- 15-16 oktyabr tarixlərini əhatə edib. 
Məlumat üçün bildirək  ki, vakant vəzifələr üzrə  21-28 avqust tarixlərdə aparılan sənəd qəbulunda 13 direktor vəzifəsi üçün 48 namizəd sənəd verib, onlardan 43-ü müsahibə mərhələsində   iştirak edib.

Nəşr edilib : 16.10.2024 21:21