NAXÇIVAN :

19 Aprel 2025, Şənbə

Naxçıvanda Dövlət Vergi Xidmətinə daxil olmuş müraciətlərin 95,3 faizi həll edilib

...

Cari ilin yanvar-noyabr ayları ərzində Naxçıvanda vergi orqanlarına, ümumilikdə, 1715 müraciət daxil olub ki, onların 88,4 faizini ərizələr, 11,4 faizini şikayətlər, qalan hissəsini isə müxtəlif təkliflər təşkil edib.

 Naxçıvan Muxtar Respublikası İqtisadiyyat Nazirliyi yanında Dövlət Vergi Xidmətinin mətbuat xidmətindən “Şərq qapısı”na bildirilib ki, müraciətlərin 96,7 faizinin baxılması 2024-cü ilin 11 ayı ərzində başa çatdırılıb, 3,3 faizi isə hazırda icradadır. Baxılmış müraciətlərdən 95,3 faizi həll olunub, 3,1 faizi barədə müvafiq izahat verilib, qalanları ilə bağlı qanunamüvafiq qərarlar qəbul edilib.

Yanvar-noyabr ayları ərzində Naxçıvan Muxtar Respublikası İqtisadiyyat Nazirliyi yanında Dövlət Vergi Xidmətində müvafiq vəzifəli şəxslər tərəfindən, ümumilikdə, 128 vətəndaşın qəbulu təşkil olunub. Qəbul zamanı hər bir vətəndaşın müraciətinə fərdi qaydada yanaşılıb, onların qanuni tələblərinin müsbət həlli üçün lazımi tədbirlər görülüb, həlli imkan xaricində olan məsələlərlə bağlı qanunamüvafiq izahatlar verilib.

Nəşr edilib : 13.12.2024 11:54