NAXÇIVAN :

16 Oktyabr 2024, Çərşənbə

Naxçıvan voleybolçuları finalda!

...

Xəbər verdiyimiz kimi Naxçıvan şəhərində Azərbaycan və Türkiyə komandalarının iştirakı ilə yeniyetmə qızlar arasında muxtar respublikanın 100 illik yubileyinə həsr olunmuş “Muxtariyyət kuboku” uğrunda birincilik keçirilir. Sentyabrın 4-dən etibarən  İlham Əliyev adına Olimpiya İdman Kompleksində qrup oyunlarına start verilib. 

Bu gün keçirilən pley-off görüşlərindən sonra finalçılar bəlli olub. Belə ki, turnirin həlledici qarşılaşmasında “Naxçıvan” və  “Əskişəhər” komandaları meydana çıxacaq. 

Meydan sahibi komanda bu uğura “Şərqi Zəngəzur” üzərində əldə etdiyi 3:0-lıq qələbə ilə nail olub. “Əskişəhər” isə U16 Azərbaycan millisindən üstün olub. Qaliblər əsas mükafat uğrunda mübarizəni davam etdirərkən, digər iki komanda üçünçü yer uğrunda bir-birinə rəqib olublar. Sabah saat 10:00-da üçüncülük matçı, 15:00-da isə final görüşünün keçirilməsi nəzərdə tutulub.

Xatırladaq ki, Azərbaycan Voleybol Federasiyasının dəstəyi, Naxçıvan Muxtar Respublikası Gənclər və İdman Nazirliyi ilə Naxçıvan Voleybol Federasiyası tərəfindən birgə təşkil olunan yarışa, ümumilikdə, 8 komanda qatılıb.
Nəşr edilib : 06.09.2024 17:33