NAXÇIVAN :

04 Aprel 2025, Cümə

Naxçıvan idmançıları 2025-ci ilə uğurla başlayıb

...

Naxçıvan idmançıları 2025-ci ildə də uğurlu çıxışlar edirlər. Artıq cari ildə ölkə birincilikləri və beynəlxalq turnirlərdə 19-u qızıl, 13-i gümüş və 14-ü bürünc olmaqla, ümumilikdə 46 medal qazanılıb. 12 idmançımız ölkə birincisi 1 idmançımız beynəlxalq turnir qalibi olub


"Şərq qapısı" xəbər verir ki, bu sözləri Naxcıvan Muxtar Respublikası gənclər və idman nazirinin müavini, nazir vəzifəsini müvəqqəti icra edən Məcid Seyidov 2024-cü ilin yekunları və qarşıda duran vəzifələrə dair mətbuat konfransında deyib.

Nazir müavini qeyd edib ki, olimpiya idman növü olan boksda 2 təmsilçi – Haxverdi Həsənov və Turqay Abbasovun, eyni zamanda atletikada Əmrah Nağıyevlə, Namiq Babayevin, MMA, pankration və qrepplinqdə 8 idmançının ölkə birincisi olmasını son dövrlər baxımından bu sahədə ciddi irəliləyişin göstəricisi kimi dəyərləndirilə bilər. Nazirlik qanunvericiliyə uyğun olmaqla, maksimum şəkildə idmançıların bu cür yarışlarda iştirakına dövlət dəstəyi göstərir. Nəticə etibarı ilə, daha çox idmançı yarış təcrübəsi qazanır, medal qazanmaq şansı əldə edir. Bu amil qazanılan ümumi nailiyyətlərə də öz məntiqi təsirini göstərir.

Nəşr edilib : 05.03.2025 13:29