NAXÇIVAN :

04 Aprel 2025, Cümə

Naxçıvan Dövlət Universitetinin Beynəlxalq Məktəbi vakansiya elan edir

...

Naxçıvan Dövlət Universitetinin Beynəlxalq Kembric Məktəbi 2025-2026-cı tədris ilində təhsil ocağında psixoloq və bir sıra pedaqoji ixtisaslar üzrə fəaliyyət göstərmək istəyənlər üçün vakansiya elan edir.
“Şərq qapısı” xəbər verir ki, vakansiyalar üzrə IELTS 7.0 və ya ekvivalent səviyyədə ingilis dili biliyi, beynəlxalq tədris metodlarına və Cambridge proqramına maraq, komandada işləmə bacarığı, innovativ və interaktiv tədris yanaşmasına sahib olmaq tələbləri vardır. Cambridge proqramı üzrə təcrübəsi olan, müasir tədris metodlarını tətbiq edə bilən, beynəlxalq sertifikatlara, (TKT, CELTA, DELTA, PGCE, IB və s.), rəqəmsal resurslardan istifadə bacarığına malik namizədlərə üstünlük veriləcək. Beynəlxalq məktəb uğur qazananlar üçün rəqabətqabiliyyətli əməkhaqqı, peşəkar inkişaf və Cambridge sertifikatlaşma imkanları, rahat və müasir tədris, beynəlxalq təcrübə qazandıran iş mühiti təklif edir.
Məlumat üçün bildirək ki, Naxçıvan Dövlət Universitetinin Beynəlxalq Kembric Məktəbində pedaqoji fəaliyyət göstərmək istəyən namizədlər CV, Təqdimat Məktubu (cover letter) və IELTS sertifikatını e-mail vasitəsilə nsuinternationalschool@ndu.edu.az ünvanına göndərə bilərlər. Son müraciət tarixi 2025-ci il aprelin 30-dur.
Qeyd edək ki, Azərbaycan dili, fiziki tərbiyə, incəsənət, musiqi və alman dili müəllimindən IELTS sertifikatı tələb edilmir, ingilis dilini mükəmməl bilmək üstünlük qazandırır.

Nəşr edilib : 07.03.2025 13:17