NAXÇIVAN :

27 Yanvar 2025, Bazar ertəsi

Naxçıvan Dövlət Milli Dram Teatrında "Herostratı unudun" tamaşasının premyerası keçirilib

...

"Şərq qapısı" xəbər verir ki, Naxçıvan Dövlət Milli Dram Teatrında Qriqori Qorinin məşhur "Herostratı unudun" əsərinin eyniadlı tamaşasının premyerası baş tutub. Tamaşanın baş rejissoru Mir Qabil Əkbərovdur.
Tamaşa qədim Efes şəhərində baş verən hadisələri əks etdirərək insanın şöhrətpərəstlik, hakimiyyət ehtirası və mənəvi dəyərlər arasında qalmasını bədii şəkildə təqdim edir. Qorinin əsəri keçmiş dövrlərə aid olsa da, öz müasirliyini itirməyib və insan cəmiyyətindəki əbədi problemləri qabardır. 
Premyerada teatrın tanınmış aktyor heyəti iştirak edib, tamaşa izləyicilər tərəfindən böyük maraqla qarşılanıb. Tamaşanın səhnə tərtibatı və musiqi müşayiəti də diqqət çəkib və tamaşaçılar tərəfindən yüksək qiymətləndirilib.
Naxçıvan Dövlət Milli Dram Teatrının kollektivi bu premyera ilə bir daha sübut etdi ki, onlar yüksək səviyyəli əsərləri səhnəyə uğurla gətirə bilirlər. Premyeradan sonra teatrsevərlər rejissora və aktyor heyətinə minnətdarlıq ifadə ediblər.

Nəşr edilib : 26.01.2025 14:21