NAXÇIVAN :

21 Aprel 2026, Çərşənbə axşamı

"Muzeylərdə açıq dərslərin təşkili metodikası" mövzusunda muzey əməkdaşları üçün növbəti seminar-treninq keçirilib

...

Hüseyn Cavidin ev-muzeyi və xatirə kompleksində "Muzeylərdə açıq dərslərin təşkili metodikası" mövzusunda muzey əməkdaşları üçün növbəti seminar-treninq keçirilib.

Seminarı giriş sözü ilə açan Naxçıvan Muxtar Respublikası Mədəniyyət Nazirliyi Aparatının baş məsləhətçisi Qumral Əsədova qeyd edib ki, muzeylərdə keçirilən seminar- treninqlər muzey əməkdaşlarının peşə biliklərinin artırılması üçün yeni zəmin yaradır. Eyni zamanda o, muzeylərdə keçilən açıq dərslərin mahiyyətini vurğulayaraq əlavə etmişdir ki, muzeylərlə məktəblər arasında sistemli və davamlı əməkdaşlıq qurulması müasir təhsilin strareji istiqamətlərindən biridir. 

Daha sonra muzeyin direktoru Tünzalə Dilanova çıxış edərək bildirib ki, məktəblilərin cəmiyyətimizdə formalaşmasında muzeylərdə keçilən açıq dərslərin rolu böyükdür. Açıq dərslər təkcə fənn bilikləri ilə bağlı məlumat ötürücüsü rolu ilə kifayətlənmir, onlar şagird məsuliyyətinin və şagird şüurunun formalaşmasına da töhfə verir. O qeyd edib ki, muzeylərdə açıq dərslərin təşkili metodikası muzey mühitində şagirdlər üçün planlı, məqsədli və interaktiv şəkildə keçirilən tədris prosesinin elmi-pedaqoji əsaslarına uyğun qurulmalıdır.

Sonda muzeyin ekskursiyaçısı Fəridə Əliyeva qonaqları muzey ekspozisiyası ilə yaxından tanış edib.

Nəşr edilib : 17.02.2026 15:45