NAXÇIVAN :

30 Aprel 2025, Çərşənbə

Kəngərli Rayon Məhkəməsində toy günü qəza törətməkdə təqsirləndirilən bəyə hökm oxunub

...

"Şərq qapısı" xəbər verir ki, hakim Zülfüqar Əhmədovun sədrliyi ilə keçirilən prosesdə Fərid Rəsulov cəzasını məntəqə tipli cəzaçəkmə müəssisəsində çəkməklə 2 il 6 ay müddətinə azadlıqdan məhrum edilib.
Qeyd edək ki, hadisə ötən il sentyabr ayının 21-də baş verib. Belə ki, Kəngərli rayonu ərazisində baş verən qəza zamanı Fərid Rəsulovun etibarnamə ilə idarə etdiyi "Ford" markalı avtomobil hərəkətdə olarkən VAZ-2106 markalı maşınla toqquşub. Nəticədə, VAZ-2106-nın sürücüsü Təbriz Fəxrəddin oğlu Məmmədov hadisə yerində ölüb.
Avtomobillərdə olan digər şəxslər - Təbriz Yadulla oğlu Əsgərli, Elvin Zeynalabdin oğlu Tağıyev və Tayfun Amin oğlu Qulubəyli ciddi xəsarət alıblar. 
Qəza baş verən gün Fərid Rəsulovun toyu olacaqmış.

Nəşr edilib : 11.04.2025 09:52