Hikmət Hacıyevə ağır itki
23:50 03.04.2025
0
0
0
NAXÇIVAN :
04 Aprel 2025, Cümə
İdman sağlamlığın rəhnidir. İdmanın saymaqla bitməyən faydaları kiçikdən-böyüyə hərkəsə məlumdur. Sağlamlığımızın keşiyində durmaq isə, ilk növbədə, təbii ki, öz üzərimizə düşür. Elə muxtar respublikamızda da sağlamlığımız düşünülərək bir sıra ciddi addımlar atılmış, şəhərimizdə, müxtəlif yaşayış binalarının həyətində idman qurğuları quraşdırılaraq əhalinin, əsasən də uşaqların istifadəsinə verilmişdir. Uşaqlar burada idman edərək həmdə asudə vaxtlarını səmərəli keçirmiş olurlar. Təbii ki, bu, təqdirəlayiq addımdır. Lakin bununla belə qurğulardan yanlış və ya kobudcasına istifadə onların müəyyən hissələrinin qırılıb dağıdılmasına gətirib çıxarır.Bəs bu qurğuların zədələnməsinin qarşısını almaq və ya zədələnməməsi üçün necə istifadə etməliyik? Bu və bukimi suallarımızı Naxçıvan Muxtar Respublikası Gənclər və İdman Nazirliyinin əməkdaşı Emil Səmədov cavablandırdı.
Müsahibim qeyd etdi ki, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”na uyğun olaraq 2024-cü ilin əvvəllərindən etibarən başlayan hüquqi, təşkilati və texniki proseslərin yekunu olaraq dekabr ayında Naxçıvan şəhərinin müxtəlif ərazilərində olmaqla, 8 yerdə açıq hava idman qurğuları əhalinin istifadəsinə verilib. Bu isə əhalini, xüsusən də gənc nəsli sağlam həyat tərzinə təşviq etməklə zamanı, həm də sakinlərin asudə vaxtını səmərəli keçirməsinə imkan verir. Dövlətimizin həyata keçirdiyi bu yenilik şəhər infrastrukturuna, şəhərin idman mühitinə də əlavə dəyər qatır, yaşından asılı olmayaraq, hər kəsin idmanla məşğul olması, sağlamlığını qoruması üçün əlverişli zəmin yaradır.
Müsahibimin sözlərinə görə, şəhərin müxtəlif ərazilərində yaradılmış və hər birinin sahəsi 76 kvadratmetr olan idman meydançalarında 12 dəst müxtəlif funksiyalı açıq havatipli idman aləti quraşdırılıb. Bu alətlər müxtəlif yaş qruplarına uyğun dizayn edilib və fiziki hazırlığı artırmaq, əzələləri möhkəmləndirmək, eləcə də müxtəlif məşq proqramlarının icrası üçün əlverişlidir. Satınalma prosedurunda yüksək keyfiyyət, təchizatçının təcrübəsi və xidmət dəstəyi kimi meyarlarınəsas götürüldüyünü qeyd edən müsahibim bildirdi ki,quraşdırma işi ixtisaslı mütəxəssislər tərəfindən həyata keçirilib və bu müddət ərzində texniki təhlükəsizlik qaydalarına tam riayət olunub.
Sözügedən idman meydançalarına əhali tərəfindən böyük maraq olduğunu vurğulayan müsahibim dedi: “İdman alətlərindən davamlı istifadə bədən tərbiyəsi və idman sahəsində kütləviliyin təmin olunmasına da mühüm töhfədir. Lakin əfsuslar olsun ki, bir çox hallarda alətlərdən qeyri-səmərəli və ya təyinatına uyğun olmayan istifadə halları müşahidə edilməkdədir. Bu da keyfiyyət göstəricisindən asılı olmayaraq, alətlərin istifadə müddətinin qısalmasına, zamanla sıradan çıxmasına gətirib çıxara bilər. Hətta alətlərdən biri kobud davranış nəticəsində qırılaraq funksionallığını itirib.
İdmanın inkişafı, insanların sağlamlığı ilə bağlı dövlətimizin gördüyü işləri sosial layihələrdən biri kimi dəyərləndirə bilərik. Əslində, açıq havada bu cür ərazilərin mövcudluğuna mədəni mühitin tərkib hissəsi kimi baxılmalıdır. Ümumi yanaşdıqda deyə bilərik ki, sakinlər bu baxımdan mühafizəkardırlar. Lakin uşaq və yeniyetmələrin alətlərlə yanlış davranışı bir çox hallarda istifadə təyinatına uyğun gəlmir və ya alətlərin birbaşa sıradan çıxması ilə nəticələnir”.
Bütün bunların qarşısının alınması yolunda atılmış addımlardan bəhs edən Emil Səmədov bildirdi ki,idman alətlərinin yerləşdiyi ərazilərin təmizliyi, səliqəli olması diqqətdə saxlanılır.O dedi ki, bu məqsədlə sosial işçilər təyin olunub və onlar ərazidə təmizliyin, səliqə-sahmanın qorunması, eyni zamanda alətlərdən təhlükəsiz və təyinatı üzrə istifadəsi ilə bağlı maarifləndirici işlər aparırlar. Nazirliyin əməkdaşları da müntəzəm şəkildə həmin yerlərə baxış keçirirlər.
Sonda müsahibim sakinlərdən açıq havada yerləşən bu idman meydançalarının qorunması və alətlərin səmərəli istifadəsinə daha həssas yanaşmalarını xahiş edir. Deyir ki, bu onların özləri, yaxınları və ya övladlarının, son nəticədə, gələcək nəsillərin sağlamlığına xidmət edən bir vasitədir. Bu baxımdan hər birimiz mühafizəkarlıq nümayiş etdirməliyik.
Müsahibim nəzərimizə onu da çatdırdı ki, Dövlət Proqramına uyğun olaraq açıq hava idman qurğuları ilə bağlı işlər bu il də davam etdiriləcəkdir. Cari il ərzində muxtar respublikanın rayon və şəhərlərində, böyükyaşayış məntəqələrində olmaqla, 11 yerdə sadə tipli idman qurğularının quraşdırılması nəzərdə tutulub. Gənclər və İdman Nazirliyi tərəfindən bu istiqamətdə müvafiq işlər görülməkdədir.
Bizə düşən isəyaradılan şəraitdən düzgün və səmərəliistifadə etməkdir.
Türkanə ƏSƏDOVA
Digər xəbərlər