NAXÇIVAN :

26 Dekabr 2024, Cümə axşamı

ICESCO-nun Baş direktoru Prezident İlham Əliyevə başsağlığı verib

...

ICESCO-nun Baş direktoru Salim bin Məhəmməd əl-Malikdən Azərbaycan Prezidenti İlham Əliyevə başsağlığı məktubu ünvanlayıb.
"Şərq qapısı" xəbər verir ki, məktubda deyilir:
"Azərbaycan Hava Yolları”na məxsus təyyarənin Aktau yaxınlığında faciəvi şəkildə qəzaya uğraması və insanların həlak olması ilə bağlı xəbər bizi dərindən sarsıtdı.
ICESCO adından və şəxsən öz adımdan Zati-alinizə, həlak olanların ailələrinə və o çətin anı yaşamış bütün insanlara dərin hüznlə başsağlığı verirəm. Kədərinizə şərikik və bu faciəvi hadisənin ağrı-acılarını Sizinlə birgə bölüşürük.
Dünyasını dəyişənlərin ruhu şad olsun. Yaralananların tezliklə sağalması üçün dua edirik. Allah həlak olanların ailələrinə və yaxınlarına səbir versin.
Zati-aliləri, ən yüksək hörmət və ehtiramımı qəbul etməyinizi xahiş edirəm"

Nəşr edilib : 25.12.2024 20:55