NAXÇIVAN :

02 Yanvar 2025, Cümə axşamı

Dövlət Energetika Xidməti gücləndirilmiş iş rejimində fəaliyyət göstərəcək

...

"Naxçıvan Muxtar Respublikası Dövlət Energetika Xidməti”  31 Dekabr - Dünya Azərbaycanlılarının Həmrəyliyi Günü və Yeni il bayramı ilə əlaqədar qeyri-iş günlərində gücləndirilmiş iş rejimində fəaliyyət göstərəcək. 
Bayram və qeyri-iş günlərində insanların kütləvi toplaşdığı məkanlarda, həyat təminatı və digər mühüm əhəmiyyətli obyektlərdə baş verə biləcək qəza açılmalarına çevik reaksiya verilməsi, onların mümkün nəticələrinin operativ şəkildə aradan qaldırılması işinin təşkil edilməsi məqsədilə Xidmətin aidiyyəti struktur bölmə və qurumlarına müvafiq tapşırıqlar verilib, fasiləsiz elektrik enerjisi təminatı məqsədilə bütün təşkilati və texniki tədbirlər görülüb. Qəza halları istisna olmaqla, elektrik enerjisi təchizatını məhdudlaşdıracaq planlı işlərin görülməsi nəzərdə tutulmayıb. 
Xidmətin Mərkəzi Aparatında, Yüksək Gərginlikli Elektrik Şəbəkəsində, şəhər və rayon Elektrik Şəbəkələrində, Elektrik Stansiyalarında məsul növbətçilik rejimi tətbiq edilərək, qəza xidmətləri 24 saat istehlakçıların xidmətində olacaq, operativ müdaxilə nəticəsində baş verən nasazlıqlar xarakterinə görə ən mümkün qısa vaxt ərzində aradan qaldırılacaqdır.
Ön ödənişli hesablaşma sayğacı olan abonentlərə, əsasən itirilmiş və ya zədələnmiş kartların əvəzlənməsi, koda düşmüş əməliyyatların bərpası və digər ən zəruri xidmətlər göstəriləcək ki, abonentlərin elektrik enerjisi təchizatında kəsinti yaşanmasın. 
Muxtar respublika ərazisindəki abonentlərimizin hər hansı bir nasazlıqla bağlı dərhal fasiləsiz fəaliyyət göstərən aşağıdakı yerli çağrı bömələrinə müraciət etsinlər. 
  1. Naxçıvan şəhəri – (036) 5452436, (060)3757516, (060) 3757552.
  2. Babək rayonu - (036) 5513902, (060) 3757550.
  3. Ordubad rayonu - (036) 5570248, (036) 5570123.
  4. Culfa rayonu - (036) 5460616,  Əbrəqunus kəndi - (036) 5463005.
  5. Şahbuz rayonu - (036) 5430368.
  6. Kəngərli rayonu - (036) 5480143, (060) 3757554, (060) 3757569.
  7. Şərur rayonu - (036) 5422606, (036) 5422911. 
  8. Sədərək rayonu - (036) 5490625.
 "Naxçıvan Muxtar Respublikası Dövlət Energetika Xidməti” Sizi 31 Dekabr - Dünya Azərbaycanlılarının Həmrəyliyi Günü və Yeni il bayramı münasibəti ilə təbrik edir və bu günlərində elektrik enerjisindən istifadə zamanı xüsusi ilə diqqətli olmağınızı, texniki təhlükəsizlik qaydalarına ciddi riayət etməyinizi xahiş edir.

Nəşr edilib : 30.12.2024 14:15