Bakıdan Qroznıya uçan təyyarə Aktauda düşüb

“Azərbaycan Hava Yolları” QSC-nin (AZAL) J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəza enişi edib.

"Şərq qapısı" bu barədə AZAL-a istinadən xəbər verir.

Hadisəyə səbəb hava gəmisinin quş sürüsü ilə toqquşması olub. İlkin məlumata görə, təyyarədə 67 sərnişin, 5 ekipaj üzvü olub. Hadisə ilə bağlı ictimaiyyətə əlavə məlumat veriləcək.

Məlumata görə, Aktauda qəza yerinə Qazaxıstan FHN-nin 52 nəfər şəxsi heyəti və 11 texnikası gəlib.

Qeyd olunur ki, təyyarə AZAL-a məxsusdur.

Nəşr edilib : 25.12.2024 11:14

PAYLAŞ: