NAXÇIVAN :

31 Yanvar 2025, Cümə

Babək və Şərur rayonunda ot bağlamaları yanıb

...

Babək rayon Cəhri qəsəbəsində və Şərur rayon Çərçiboğan kəndində ot bağlamalarında yanğın hadisələrinin baş verib.
"Şərq qapısı" xəbər verir ki, məlumatla əlaqədar dərhal Babək və Şərur Rayon Yanğından Mühafizə Hissələrinin qüvvələri hadisə yerlərinə cəlb olunub.
Əməliyyat şəraitinə uyğun olaraq həyata keçirilən zəruri və təxirəsalınmaz tədbirlər sayəsində baş vermiş yanğınların genişlənərək ətraf ərazilərə yayılmasına imkan verilmədən qısa müddətdə söndürülüb.
Hadisə nəticəsində Babək rayon Cəhri qəsəbəsində təxminən 3400  kq ot bağlaması yanıb, 8500 kq isə yanğından mühafizə olunub. Şərur rayon Çərçiboğan kəndində isə 1120 kq ot bağlaması yanıb, tayanın üzərinə qurulan 21 m2 çardaq yanğından mühafizə edilib.

Nəşr edilib : 31.01.2025 18:11