NAXÇIVAN :

06 Aprel 2025, Bazar 18:34

Babək rayonu ərazisində qəza olub, 4 nəfər xəsarət alıb

...

"Şərq qapısı" xəbər verir ki, hadisə rayonun Çeşməbasar kənd ərazisində baş verib. Belə ki, 77-YA-725 dövlət nömrə nişanlı "Changan" avtomobili ilə 69-TA-153 dövlət nömrə nişanlı "NAZ-Lİfan" markalı avtomobil toqquşub. Qəzada Ordubad rayon Vənənd kənd sakinləri, 1960-cı il təvəllüdlü Qafarov Əli Zeynalabdin oğlu, 1963-cü il təvəllüdlü Muxtarova Şahnaz Vəli qızı, 1977-ci il təvəllüdlü Muxtarov Nadir Vaqif oğlu və rayonun Anaqut kənd sakini, 1983-cü il təvəllüdlü Ağayeva Kifayət Cəbrayıl qızı xəsarət alıblar.
Onlar Naxçıvan Muxtar Respublika Xəstəxanasına yerləşdiriliblər. Xəsarət alanlardan K.Ağayeva reanimasiya şöbəsinə yerləşdirilib.
Hazırda faktla bağlı araşdırma aparılır.

Nəşr edilib : 01.04.2025 17:28