NAXÇIVAN :

22 Noyabr 2024, Cümə

Azərbaycan Özbəkistanda keçiriləcək beynəlxalq konfransda təmsil olunacaq

...

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə oktyabrın 14-də Özbəkistan səfər edəcək və bu ölkənin Prezidenti Şavkat Mirziyoyevin təşəbbüsü və himayəsi ilə keçirilən “İslam - sülh və xeyirxahlıq dinidir” mövzusunda Beynəlxalq Elmi-praktiki Konfransa qatılacaq.

QMİ-nin mətbuat xidmətindən bildiriblər ki, oktyabrın 15-də Daşkənddə baş tutacaq bu mötəbər tədbirin keçirilməsi ideyasını Özbəkistanın dövlət başçısı ötən il BMT Baş Assambleyasının 78-ci sessiyasında çıxışı zamanı bəyan edib.

Şeyxülislam A.Paşazadə beynəlxalq konfransın açılış mərasimində çıxış edəcək. Forum plenar və 3 bölmə iclası ilə işini davam etdirəcək.

Allahşükür Paşazadənin səfər çərçivəsində yüksək səviyyəli görüşlərdə iştirak edəcəyi nəzərdə tutulur.
Nəşr edilib : 13.10.2024 16:16